Get Involved Today!
|
Register

Somali Believers

God has the answers

  • Home
    Home This is where you can find all the blog posts throughout the site.
  • Categories
    Categories Displays a list of categories from this blog.
  • Tags
    Tags Displays a list of tags that have been used in the blog.
  • Login

QABYAALADDA

Posted by on in Arrimaha Bulshada (Social Issues)
  • Font size: Larger Smaller
  • Hits: 2931
  • 4 Comments
  • Print

“Ma jiro Yuhuud ama Gariig, ma jiro addoon ama xor, ma jiro lab ama dhaddig, waayo, kulligiin mid baad ku wada tihiin Ciise Masiix. Haddaad tihiin Masiixa kuwiisa, waxaad tihiin Ibraahim farcankiisa oo ah kuwa dhaxalka leh sida ballanku leeyahay.” (Galatiya 3:28-29).

Marka erayga qabiilka ama qabyaaladda la soo hadal qaado Soomaalida badankeedu dhegta ayay taagayaan, waayo marka wax kasta laga soo tago qabyaaladdu waa dawladda aan la arkin ee maamusha arrimaha Soomaalida. In kasta oo aanu qofna qiranayn inay qabyaaladdu isaga hoggaamiso –fikrad ahaan iyo ficil ahaanba, haddana dhacdooyinka Soomaaliya ka dhaca waxaa badankooda dib loola xidhiidhin karaa qabyaaladda. Tan waxaa caddayn ugu filan in marka ay caadiyan laba qof oo Soomaali ahi kulmaan, salaanta kaddib uu midba jecel yahay inuu isla markiiba ka kale qabiilkiisa ogaado—xataa ka hor intuusan magaciisa ogaan.

Haddii qeexidda Wikipedia la soo qaato qabyaaladdu waa “hab ama qaab ay dadku isu habeeyaan iyaga oo u ololaynaya ama u doodaya qabiil ama qabiilooyin. Haddii ku dhaqankeeda la eegona waxaa la odhan karaa waa hab fikradeed ama hab dhaqan kaas oo ay dadku daacadnimadooda ama taageeradooda ugu weyn u hayaan qabiilkooda, in ka sii badan inta ay u hayaan saaxiibbadood, waddankooda, ama urur bulsheed kale noocuu doonaba ha noqdee.”

Qabyaaladdu waxay la xidhiidhaa dareen xooggan oo xagga dhaqanka iyo dhalashada ah (jinsiyaddooda ama abtirsiinyahooda) oo ay koox dad ahi kaga duwan yihiin koox kale. Waxay kale oo qabyaaladdu la xidhiidhaa kala duwanaansho luuqad ahaaneed.

Dadka qaar ayaa ku andacooda in qabiilka loo sameeyey in la isku kala garto. Tusaale ahaan waxay u badan tahay in qofka qabiilka Kikuyada ama Amxaarada ka dhashay uu ka kale ee ay isku qolada yihiin ku garto luuqadiisa, ama magaciisa, ama xataa gobolka uu ka soo jeedo, laakiinse uusan intaa u sii dhaafin. Markaa waxaa la odhan karaa is garashada noocan ahi waa mid caqli gal ah, oo uu dhibkeeduna yar yahay.

Laakiinse qabyaaladda Soomaalidu waa “open-ended,” ama mid aan dhammaad lahayn. Way ka sii shishaysaa is garasho, waxaana lagu qeexi karaa inay ku dhisan tahay is kala qayqaybin iyo caddaalad darro. Nidaamka abtirsiinyaha ayaa keenaya inuu mar kasta jiro qof iga xiga qof kale, kaas oo ay tahay inaan mudnaanta koowaad siiyo, xataa haddii ay tahay inaan qofkaas kale duudsiyo, taasoo badanaa dhacda.

Qofka qabiiliga ahi kama xishoonayo inuu qabiilkiisa nafta u huro, mana laha doorasho shakhsiyan ah “personal value.” Isagu ma garanayo waxa uu u dagaalamayo ama u dhimanayo—badanaa waa wax aanu faa’iido ka heleyn sida ilaalinta sharafta qabiilka. Qofka qabiiliga ahi sharafta qabiilka ayuu ka xigsadaa sharaftiisa iyo garashadiisa qof ahaaneed, doorashadiisa shakhsi ahaaneed, jacaylka runta, iyo inuu fikrad wanaagsan keeno oo taas u go’o inuu hirgeliyo. Qabiilka ayaa ah mid mar kasta qofkaas curyaaminaya, taas oo marka la sii ballaadhiyana keeneysa inuu bulshada guud ahaaneed ama waddanka curyaamiyo sida Soomaaliya ku dhacday.

Baybalku wuxuu noo sheegayaa in kuwa Masiixa rumaysani aanay lahayn “Giriig iyo Yuhuud, addoon ama xor, lab ama dhaddig” midkoona, ama Masiixinimada kama jirto reer qudhac iyo reer qansax, ama laandheere iyo laangaab toona. Dhammaantood waxay walaalo middaysan ku noqdeen Masiixa waxayna hadda waddaniyiin ka yihiin Boqortooyada Ilaahay.

Baybalku wuxuu kaloo kitaabka Tiitos 3:9 ku odhanayaa, “Laakiin ka fogow su'aalaha nacasnimada ah, iyo abtirsiinyada, iyo murannada, iyo ilaaqda sharciga ku saabsan, waayo, waxtar iyo micne toona ma leh.” Waxaa Baybalku halkan inoogu sheegayaa inaynu ka cararno abtrisiinyada nacasnimada ah iyo muranada iyo iskala qaybqaybinta ay keento, waayo taasi Ilaahay ayay inaga dheeraynaysaa, dadkana colaad iyo baaba’ ayay u keeneysaa.

Waxaan Ilaahay ka baryayaa inuu qof kasta oo Soomaali ahi garowsado burburka ay qabyaaladdu u keentay, oo uu taas ka doorto waddaninimada, Soomaalinimada iyo bini'aadanimada.

Ilaahay si qaninimo leh ha idiin barakeeyo.

0

Comments

  • Guest
    Nimo Abdirahman Gathuru Monday, 18 November 2013

    Abdi walalo, this is good. As a Somali Christian, I have struggled with Qabiil. It is so entrenched in my mind, but I believe God who started a good work in me will renew my mind and I will leave according to His perfect will.

  • Abdi Duale
    Abdi Duale Monday, 18 November 2013

    Yes, sister. To overcome it is a long process. Eventhough we accept Christ, we are tempted to want to still be part of the clan and it is difficult to combine both. As we continue to trust God, He will prove to us that He is all we need.

  • Guest
    Nimo Abdirahman gathuru Monday, 18 November 2013

    Amen walalo. He is faithful. The best thing that ever happened for me was to accept Christ. It has been a challenging journey But God has remained faithful, He has protected & provided for me even when it seemed impossible He made away. Truly He is the way the truth & the Life.
    Thank you again walalo for serving the Lord.

    Reply Cancel
  • Guest
    David Ahmed Mo Monday, 18 November 2013

    Waa Arimo Xaqiiqa Waa Waxyaalaha an u Nacay Bulshada Somaliga ah ad ban uga mahadcelinaya diyarinta maqaalkan qiimaha leh waxanan kugu boorinaya somalidu wa dad iska ad adag marka ku badi maqaalada noloshooda tooska u ceebaynaya ee kan oo kale ah dhinackasta ado ka eegaya ka bacdi isaga aamini doona masiixiyada ama walaalaha dhaman is jecel mabda'ooda

    Reply Cancel

Leave your comment

Guest Tuesday, 19 September 2017

S5 Box

Register

*
*
*
*
*
*

Fields marked with an asterisk (*) are required.